من طرف ايمان السبت 01 نوفمبر 2008, 12:46 pmالسلام عليكم ورحمه الله وبركاته .. انا حابه انقل لكم خبراتى فى الحياه القليله ربنا يزدنا ويزدكم . انا وكل اسف يا اخواتى واحبائى لسه راجعه لربنا وراجعه للطريق المستقيم قريب ما كملتش شهرين والحمد لله الذى هدأنا .. حياتى كانت كلها استهتار فى استهتار والعياذ بالله .. استهتار بالصلاه والعبادات الاساسيه وكانت كل مصيبه ومصيبه تيجى لى وانا ما اتعزش ابدااااااااا كانى صنم ما بيحسش اول مصيبه لما كنت فى ثانويه عامه واهملت الدراسه واتعلمت النت والشات ونفسى كل بنت مراهقه تقرأ كلامى والله يابنات الشات دة مصيبه وادمان ومن اكبر ابواب الشيطان .. وبعد الشات والتعارف ومش عايزة اكمل لكم ان الله حليم ستار.. دخلت جامعه والله كداب الى سماها جامعه فهى من الجامعات الخاصه التى لا تغنى ولا تسمن من جوع ..طبعا اول يوم فى الجامعه دة بيبقا عرض ازياء بكل معانى الكلمه وطبعا انا كنت من العارضات الكاسيات العاريات .. اسال الله ان يسامحنى .. ولزوم الروشنه بئا لازم نتعرف على الدفعه وهاى وباى وطبعا اتعرفت على الدفعه كلهااااااااااااااااااااااااا ماعدا المحترمين الملتزمين ... ودى بدايه الكوراث
اول حاجة عملت شله كبيررررررررره بتاع 15 بنت وولد وطبعا محدش فينا كان ملتزم هو احنا لو ملتزمين كنا بقينا اصحاب اصلا؟؟
وقضيناها بئا رحلات وخروج وفسح .. انا عارفه انى طولت بس الموضوع طويل وانا عايزة كل ام وكل بنت تستفيد وربنا يجعله فى ميزان حسناتى وتتدعوا لى ربنا يغفر لى يارب
المهم بئا يا اخواتى طبعا الشيطان مش ها يسبنى على معصيه واحدة ابدااا لا لازم ينوع ويزود من عندة شويتين ... هووووب اتعرفت على شاب وهووب فجأة لقيته بيقول لى بحبك والكلام الفاضى دة طبعا انا عارفه من جوايا انه هبل فى هبل بس الشيطان ونفسى السيئه قالت لى اشطه الواد امور وادينا بنتسله !!!!!!!!!!!!!!11 [ندعوك للتسجيل في المنتدى أو التعريف بنفسك لمعاينة هذه الصورة]
وطبعا العلاقه دى ما كملتش شهر والله يمكن اقل بكتيررررر والى بعدة والى بعده .. كنت بدخل المدرج بتاع الجامعه فى الاعياد والمناسبات فقط
على فكرة الدفعه بتاعتى مفيهاش ولا منتقبه غير بنت واحدة بس تخيلواا ومسكينه كان الكل بيبص عليها ويقول ياااى .. ربنا يجعله فى ميزان حسناتها ..
المهم طبعا الشيطان قاعد يفكر همممممم عايز حاجة جديدة بئا انا زهقت من الملل دة !!!
شويه واتعرفت على شله شباب بحجه انهم ها يبقوا اصحابى اصحاب وبس [ندعوك للتسجيل في المنتدى أو التعريف بنفسك لمعاينة هذه الصورة]
الشله دى بئا طلعوا كلهم مدمنين مخدرات ربنا يعافينا ويعافيكم.
اول التعارف انا كنت بدخن وبس ال يعنى التدخين مش حرام..وطبعا بعد مااتعرفت على الشله دى انتقلت لمرحله الكبائر ... يارب سامحنى يارب واغفر لى ذنوبى ..اللهم نقنى كما ينقى الثوب الابيض من الدنس.. امين
ثم ارتبطت بزعيم الشله وكان مصائب الدنيا كلها على دماغه ورغم كل دة كان بيشرب مخدرات وكان مش ملتزم نهائى ......
المهم فجأة المصايب جاءت وراء بعضها البعض وربنا انتقم مننا واحد وراء التانى ..
اول واحد عمل حادث واصبح عاجز كليا عن الحركه وللاسف لم يتعظ
الثانى عمل حادث سياره هو والزعيم ولم يتعلموا من هذا الدرس
الثالت دخل مصحه علاج من الادمان واصبحى مجنون رسمى
الرابع اتمسك بكميه مخدرات واتعمل له قضيه واتبهدل
الخامس وكانت بنت وقعت فى مشاكل لا حسر لها وفضائح
ملحوظه مهمه : كلنا كنا بنفرح فى بعض فى المصايب واحنا سبب الفضايح لبعض تخيلوا؟؟
وطبعا كلكم بتقولوا ياترى ايه الى حصل لى؟؟ اول حاجة ابويا اتوفى وما اتعزتش نهائى وتانى حاجة سقطت فى الجامعه ولا همنى وفضلت فى ظلمه مش حاسه انى خسرانه وطبعا ما بقاليش اصحاب لان كلهم زى ما انتوا شايفين بس فضلت على علاقه بالزعيم وفجاه علاقتنا بدأت تنقلب لخناقات ومشاكل .. شىء طبيعى جدا لانى بغضب ربنا
وقررت انى اسيبه واول ما قررت كدا والله يابنات كل الحب الى كان بيمثله اتحول لكراهيه وقعد يهددنى انا هااقتلك انا هاافضحك انا هااجى لك عند البيت وافضحك
قلت له انا قررت ارجع لربنا واعمل الى انت عايزة وتعالى افضحنى بس انا مش هااغضب ربنا تانى ابدا
والشيطان بقا يجيب لى مصايب من كل ناحيه وانا ماسكه نفسى بالعافيه
فى الاخر بعدت عن كل الناس دى والحمد لله واتزوجت زوج صالح وربنا هدانى بس كنت دايما بدعى يارب استرنى واسترها معايا وفعلا ربنا سترنى وحسيت بنعمت ربنا عليه انه جاب لهم كلهم مصايب الا انا والحمد لله
واخر مصيبه وصلت لى عن الشله دى ان الزعيم جاله فيروس سى والعياذ بالله لانه كان بياخد هيروين ربنا يحمى جميع شباب المسلمين يارب
ودلوقتى انا الحمد لله ملتزمه وبحاول اتعلم فى امور الدين وربنا اكرمنى بالحجاب الشرعى ( النقاب) عقبالكم كلكم
ونفسى كل ام تاخد بالها وتتعلم وما تقعدش فى البيت وتحط فى بطنها بطيخه صيفى لان امى كانت زيكم ونفسى كل بنت تخاف على نفسها وتعرف ان اى شاب عايزها من غير ما يكلم اهلها دة كلب عايز حتت لحمه ياكلها
واسال الله ان يحمى جميع بنات المسلمين ..
منقول من صديقه تائبه حصريا للاخوات اسالكم الدعاء
